[牛皮燈籠](故事)

論壇首頁● 最新帖子● 主題搜尋● 社區娛樂● 資料修改● 會員註冊● 會員登錄● 離開系統

[牛皮燈籠](故事)

留言簿● 精品區● 我的主題● 我的檔案●萬年曆●

天下文壇 > 小說童話 > [牛皮燈籠](故事)

輕輕　

發表主題

發起投票 | 關閉窗口

發帖人主題標題：

[牛皮燈籠](故事) 回覆數: 0 點數: 446

第 1 樓

魯筆

天下嘉賓
積分：1095
貨幣：1095
發帖數：290
來自：Unknow

時間：2014-05-23 20:22

[牛皮燈籠](故事)
摘自天下文壇魯筆 2014-05-23 20:22
http://yuhsia.com/ccb/index.pl
[牛皮燈籠](故事)

以前有個細路良仔.好窮.九嵗就父母雙亡.老侸最後對佢講.比心機打理蘭花同牛牛.老蘭花係爺爺唯一嘅遺物.老牛牛係老侸唯一嘅遺物.從此良仔同老牛牛相依為命.又好惜唯一嘅老蘭花.
村中人一方面同情良仔.另外佢又有禮貌兼活潑.好得人中意.
良仔日日帶老牛牛上山食草.自己斬柴.約莫有二三十斤就算嘞.返到村口就已經晻黑噃.第日拎去賣.
因為良仔太窮.有人勸佢賣老牛牛.佢對老牛牛咺(音:喊)著話: “老牛牛.你放心.我點窮都唔捨得賣你”.見主人流淚.牛牛流淚.有人勸佢賣老蘭花. 佢對老蘭花咺著話: “花花.你放心.我點窮都唔捨得賣你”.
當即嗰晚.夢見一個婆婆.對佢講: “我好多謝你祖孫三代咁愛惜我.我送個燈籠答謝你啦”.第朝良仔起身.見檯面有個雖然好殘舊.但係係光掁掁嘅燈籠.睇真尐.個燈籠周圍密密實實.冇窿嘅.良仔自言自語話: “點先整得熄呢?”.一講.燈籠會自動.又自言自語話: “點先整得著呢?”.一講.燈籠會自動著.良仔好中意.好開心.知道係寶.問天問地搵唔到.唔敢講人知.費事人哋心思思.跟著.佢照例去淋花.發覺老蘭花(謝)咗.良仔咺到驚天地.鬼神泣.眼淚流到成身濕.尐人勸佢唔好再咺嘞.再咺會盲嘎(音:架).見主人流淚.牛牛又流淚.
過多兩晚.良仔差唔多瞓著.聽到牛牛呴(音:頭2)氣好辛苦.拎個神神地嘅燈籠走埋去睇下.見到牛牛又流淚.良仔摸著牛牛問: “牛牛呀牛牛.我都冇咺.點解你要咺呀”. 點不知牛牛突然碌低死咗.抳次重慘.良仔一面咺一面打牛牛: “你中意死未死囉.做乜要矺(音:責)爛我個寶貝唧.
嗚.嗚.嗚……點解你要死唧.嘩.嘩.嘩…..你點樣賠番個寶貝畀我唧.嘩.嗚.嗚……你快尐翻生啦.唔使賠啦.嗚.嘩.嘩…..”抳時候已經好多人走咗入蒞.尐人唔係安慰良仔.係質問乜嘢寶貝.良仔指指個爛燈籠.尐人一睇.唓!係個又殘又舊.周圍密密實實.冇窿嘅燈籠.咿家重矺扁咗.跟著叫良仔拆開睇下入邊點樣子.良仔又唔拆.又唔講出神奇嘅事.尐人笑佢讕神秘.又讕臭美.臭過屁.好多人見得冇意思.好快走咗.剩番幾個.有個安慰佢.折哀順變講成順便折哀.有個好似鬼食坭咁咿咿哦哦.聽落好似好關心.又似關心燈籠多過關心良仔.良仔跟著問有冇人得閑幫佢壅咗牛牛.有一個應承第日.有一個叫佢劏咗牛牛.又食又賣.良仔好嬲咁對牛牛話: “我劏佢都唔劏你”.跟著又咺.咺下咺下瞓著咗.牛牛對佢講人話: “主人呀.我本來要去投胎做人.但係我整爛咗燈籠.我情願做燈籠好過做人嘞”.良仔醒番去睇牛牛.牛牛唔見咗.爛咗嘅燈籠變翻好.睇真尐.係牛皮燈籠.良仔自言自語話: “點透光呀”.話口未完.燈籠嘅牛皮即刻發光.照到光掁掁.但係叫唔熄.良仔無意中連拍兩下就熄.跟著連拍三下就著.抳次死都唔講畀人知噃.
但係時間耐咗.雞(春)咁密都菢出仔.永遠都冇人知嘅秘密就冇秘密啦.幾年後.牛皮燈籠不知不覺被鬼食坭偷咗.點拍都唔著.夜晚夢見燈籠著火.燒佢全家.嚇到佢醒咗.想拆崩佢.又點拆都拆唔崩.祇好偷偷地擗去山坑.之後.良仔又夢到燈籠喺邊.被良仔執番.良仔見到抳個牛皮燈籠.好似見番牛牛同花花咁.攬住痛哭.牛皮燈籠又重放光明咯.

   [ 魯筆 2014-05-23 20:22 編輯 ]
    天下文壇天下文壇魯筆  2014-05-23 20:22
http://yuhsia.com/ccb/index.pl